“Ang love, hindi ka dapat binibigyan ng pagkakataon na tanungin ang nararamdaman para sa `yo ng taong mahal mo.”

Isang linggo. Nangako si Maxpein na isang linggo lang itong mawawala. And hoping that she will be back just as she promised, nagplano na si Deib ng proposal para sa babae habang hinihintay ito. Sa isip at puso niya, si Maxpein na talaga ang gusto niyang makasama habang-buhay.

Pero sobrang sakit ang naranasan ni Deib nang hindi bumalik ang babae. Masakit, sobrang sakit, at hindi nabawasan iyon kahit pa nalaman niyang may heart donor na siya.

Nagpaopera si Deib, ginawa niya ang lahat para gumaling at pagkatapos n’on, sinundan niya si Maxpein sa Korea kahit hindi niya alam kung makikita nga niya ito doon…