“Kung sa huling pagkakataon, `yon lang ang magagawa ko para mapasaya ka... Kung ang nararamdaman ko lang ang kaya kong isakripisyo para hindi na kita masaktan pa... Sige, tatanggapin ko.”

Galit. Iyon ang naramdaman ni Maxpein nang makita niya kung ano ang nangyari kay Deib. At hindi siya matatahimik hangga’t hindi nagbabayad ang may gawa n’on. An eye for an eye, a tooth for a tooth. At nasisiguro niya na sa labang iyon, siya ang mananalo.

Pero sa pagbabalik ni Deib, pakiramdam ni Maxpein, may bahagi sa kanya ang natalo. Nahahati ang puso niya sa pagmamahal sa lalaki at sa sakit na naramdaman dahil sa ginawa nito. Hindi lang iyon, masakit sa kanya ang nakikitang nasasaktan din si Deib.

Mahirap pala ang magsinungaling kapag puso na ang pinag-uusapan….