Na-snatch ang cell phone ni Zachary pero naibalik
iyon sa tulong ng isang Good Samaritan. Habang ikinukuwento niya sa mga kasama sa Lavinia’s Beauty Salon ang nangyari sa kanya,  nabanggit naman ni Mackey na may kaibigan itong mag-i-eighteenth birthday at gustong kunin ang serbisyo nila. Nang dumating ang debutanteng si Shaznie ay nanlaki ang mga mata ni Zachary. Ito kasi ang tumulong na maibalik ang cell phone niya.

Simula noon ay naging interesado na si Zachary kay Shaznie. Gusto niyang nakikita ito, nakakausap at nakakasama. In short, gusto niyang maging close sila. Gusto niyang higitan ang closeness ni Shaznie kay Mackey dahil tuwing nakikita niyang magkasama at magkausap ang dalawa ay nagseselos siya. What’s worse ay nawawala ang pagiging cool niya!