"Maligayang  pagdating sa bayan ng Vertigo. Maligayang pagdating sa inyong katapusan."

Isang masayang bakasyon ang pinalano ng magkakaibigang sina Jamilla, Mikee, Cliff, Wesley, at Drew para sa kanilang taunang tradisyong magsama-sama tuwing sembreak. Pero ang road trip ng barkada ay nauwi sa isang bangungot nang masangkot sila sa isang aksidente sa gitna ng kawalan.

Sugatan, pagod, takot, at desperadong makahingi ng tulong, napilitang makisilong ang magkakaibigan sa isang tagong bayang mistulang nilimot na ng panahon. Ang hindi nila alam, imbes na maging maayos ang kanilang kalagayan ay may mas masahol pa palang misyeryo ang naghihintay sa kanila sa bayan ng Vertigo...