Ginulo nito ang puso at isip niya. She was searching for answers. He was looking for danger. Paano magtatagpo ang kanilang mga puso?

Tatlong araw pagkatapos ng ikalabing-walong taong kaarawan ni Crystal, dumating sa kanilang baryo ang isang misteryosong lalaki. Mula noon, sunud-sunod na ang mga pangyayaring nagpapatotoo na malapit nang maganap ang prediksiyon ng namatay niyang lola na nag-uugnay sa kanya sa mga nilalang sa dilim.

Sa paghahanap ng mga sagot, natagpuan ni Crystal ang sariling nahuhulog ang loob sa misteryosong lalaki. Pero biglang dumating ang isang guwapong dayo—si Rock. Sa kabila ng pagiging arogante, nagawa nitong ibahin ang pakahulugan niya sa salitang “pag-ibig.” Sa gitna ng kanyang pagkalito, agam-agam, at takot ay laging nasa tabi niya si Rock para punan ang espasyo sa kanyang puso. At sa maraming pagkakataon, ipinadama nito sa kanya na mas ligtas siya sa piling nito kaysa sa misteryosong lalaking itinuturing niyang kakampi.

Sa nakaambang panganib sa kanila, may puwang pa kaya ang pag-ibig?