“When it comes to you, I’m blind, stupid, foolish and a coward.”

“What’s pamimikot?” tanong ni Georgie sa tiyahin. Hindi siya pamilyar sa terminong iyon maski sampung taon na siyang nakabase sa Pilipinas. Hindi naman kasi niya naririnig ang mga kakilala na ginagamit ang salitang iyon. 
“Kapag napilitan ang isang lalaki na pakasalan ang isang babae dahil na-setup siya ay ‘pamimikot’ ang tawag doon, hija,” wika naman ni Tita Luchie.
Georgie nodded. She found the whole idea of “pamimikot” fascinating. At dahil doon, nabuo sa isip niya kung paano maiiwasan ang kagustuhan ng parents niya na bumalik siya sa London para doon na manirahan kasama ang mga ito. Ayaw niyang bumalik sa London dahil hindi na niya maitutuloy ang binabalak na pakikipaglapit sa kanyang dream man na si Mart. 
Kaya pipikutin na lang niya si Mart dahil kapag nag-asawa na siya, paniguradong hindi na siya kukulitin ng parents niya. 
Pero hindi kinagat ni Mart ang pamimikot niya. Ang akala ng binata ay pinagkakatuwaan niya lang ito. Masyado raw kasi siyang maganda para mamikot ng lalaki.