“Hindi kita ipinapamigay. Gusto ko lang maging masaya ka.”

Nabago ang lahat nang makilala ni Kim si Raymund Ibanez. Isang gabi iyon na malakas ang ulan, kumatok ang lalaki sa maliit niyang inuupahan para humingi ng tulong—naputukan ito ng gulong ng kotse at naiwan pa sa loob ng sasakyan ang susi at cell phone.
Dahil kay Raymund, nagkaroon ng kulay ang dating walang kalatoy-latoy na buhay ni Kim. Nagkaroon siya ng instant boyfriend na miyembro pala ng sikat na bandang Electric! Pero biglang umentra si Pola, ang napakaganda at matalinong babae na anim na taong niligawan ni Raymund. Ano ang panama niya sa isang tulad ni Pola?
Lalo nang gumulo ang sitwasyon nang umentra ang isa sa mga naging fling ni Raymund na si Noemi at nagdeklarang ipinagbubuntis nito ang anak ni Raymund!