“Oh, Mikko, if you will just smile so often, I would trade all my time just for you.”

Isang fashion photographer si Martine. Katatapos lang ng kanilang photo shoot sa Zamboanga nang magkaroon ng engkuwentro ang mga sundalo at mga terorista. Sa malas, siya lang ang naiwan doon nang magsagupa ang dalawang grupo. Wala pa siyang balak mamatay, lalo na kung sa kamay ng mga terorista.
May dumating namang tulong galing sa isang marine officer sa katauhan ni Mikko. Iyon nga lang, tumatak agad sa isip ni Martine ang kabruskuhan ng lalaki. Ganoon pa man, nakaramdam siya ng atraksiyon kay Mikko.
Nagawa naman ni Martine na mapalambot ang matigas na puso ni Mikko. Sweet din ang lalaki at ramdam niyang espesyal siya rito. Hanggang sa tuluyan na siyang na-in love dito.
Ngunit ganoon na lang ang panlulumo ni Martine nang madiskubre ang malaking lihim ni Mikko. Hindi sana totoo ang nalaman niya. Hindi niya matatanggap. Ngayon pa bang naibigay na niya ang sarili kay Mikko?