“Oo, inaamin kong nagmahal ako ng iba, pero walang sinabi iyon sa pagmamahal ko sa iyo. Malalim ka na sa puso ko, `Ney.”

Walong taon na ang relasyon ni Sydney kay Paolo. Napakatagal na niyon kompara sa relasyon ng iba. Kaya hindi niya inasahang mauuwi iyon sa hiwalayan nang dahil lang sa maliit na problema. Noon na-realize ni Sydney kung gaano niya kamahal ang binata.

Gusto niyang habulin si Paolo. Mahal na mahal niya ito, pero paano siya makikipagbalikan kung may iba nang girlfriend ang lalaki?